De rogha air sin, is féidir aighneachtaí a dhéanamh sa phost chuig an seoladh seo a leanas: An Chéad Athbhreithniú ar Chomhairliúchán an Chreata Náisiúnta Pleanála, An Roinn Tithíochta, Rialtais Áitiúil agus Oidhreachta, Teach an Chustaim, Baile Átha Cliath 1, D01 W6X0.
Comhairliúchán Poiblí maidir le Measúnú Timpeallachta
I gcomhréir le Treoir an Aontais Eorpaigh um Measúnú Straitéiseach Timpeallachta (MST) (2001/42/CE) agus Rialacháin na gComhphobal Eorpach (Measúnú Timpeallachta ar Phleananna agus Cláir Áirithe) 2004, I.R. Uimh. 435 de 2004 (arna leasú le I.R. 200 de 2011), tá Tuarascáil Chomhshaoil agus Achoimre Neamhtheicniúil MST ag gabháil leis an Dréacht Athbhreithnithe ar an CNP, agus tá comhairliúchán poiblí á dhéanamh i gcomhréir le Rialachán 13(1)(b) de na Rialacháin sin.
Comhairliúchán Poiblí maidir le hÉin agus Gnáthóga Nádúrtha
I gcomhréir le Treoir an Aontais Eorpaigh maidir le Gnáthóga (92/43/CEE) agus an Treoir maidir le hÉin (2009/147/CE), rinneadh Measúnacht Chuí faoi Rialachán 42A de Rialacháin an Aontais Eorpaigh (Éin agus Gnáthóga Nádúrtha) 2021 (I.R. Uimh. 293 de 2021), agus tá comhairliúchán poiblí á dhéanamh i gcomhréir le Rialachán 42(13) de na Rialacháin sin.
Ba cheart aighneachtaí nó tuairimí maidir leis an Ráiteas Tionchair Natura agus doiciméid chomhairliúcháin ábhartha eile a dhéanamh go díreach chuig Aonad um Measúnú Éiceolaíoch (AME) na Seirbhíse Páirceanna Náisiúnta agus Fiadhúlra trí ríomhphost chuig EAU@npws.gov.ie nó tríd an bpost chuig:
An Chéad Athbhreithniú ar an gCreat Náisiúnta Pleanála,
Measúnacht Tionchair Natura,
Seomra 2.23 An tAonad um Measúnú Éiceolaíoch,
An tSeirbhís Páirceanna Náisiúnta agus Fiadhúlra,
90 Sráid an Rí Thuaidh,
Margadh na Feirme,
Baile Átha Cliath 7,
D07 N7CV.
Breithneoidh an tAonad um Measúnú Éiceolaíoch na haighneachtaí sin, agus beidh siad mar bhonn eolais do chinneadh de bhun Airteagal 6(3) den Treoir maidir le Gnáthóga.
SPRIOCDHÁTA LE HAGHAIDH AIGHNEACHTAÍ
Glacfar le haighneachtaí ó Dé Céadaoin an 10 Iúil 2024 go 5pm Déardaoin, an 12 Meán Fómhair 2024 (an dá dháta sin san áireamh).